शरद पवार यांना शकुनी काकाची उपमा देत गोपीचंद पडळकर यांची उद्धव ठाकरे यांच्यावर टीका

मुंबई : भाजप आमदार गोपीचंद पडळकर यांनी उद्धव ठाकरे यांच्यावर टीका केली आहे. शरद पवार समजेपर्यंत ठाकरेगटात केवळ बाप लेक म्हणजे उद्धव ठाकरे आणि आदित्य ठाकरेंच उरतील, असं गोपीचंद पडळकर म्हणालेत. ट्विट करत त्यांनी हे टीकास्त्र डागलंय. ही टीका करताना त्यांनी शरद पवारांना शकुनी काकाची उपमा दिली आहे. “उबाठा पक्ष प्रमुखांना ‘शकुनी काका’ समजेपर्यंत त्यांचा पक्ष कदाचित फक्त बाप लेकांचाच उरेल!” , असं ट्विट गोपीचंद पडळकरांनी केलं आहे. या ट्विटमध्ये त्यांनी राष्ट्रवादी, शिवसेना आणि भाजपला टॅगही केलं आहे.