Gopichand Padalkar : मला मंगळसूत्र चोर म्हणता, जयंत पाटलांच्या कितव्या बायकोच…. फडणवीसांकडून तंबी तरीही पडळकरांचं पुन्हा वादग्रस्त वक्तव्य

मुख्यमंत्री देवेंद्र फडणवीस यांच्या तंबीनंतरही आमदार गोपीचंद पडळकर यांनी राष्ट्रवादी काँग्रेसचे नेते जयंत पाटील यांच्या विरोधात केलेले वादग्रस्त वक्तव्य कायम ठेवले आहे. सांगलीतील दसरा मेळाव्यात बोलताना पडळकर यांनी “जयंत पाटील राजारामबापूंची औलाद नाही असे बोललो होतो, हे खरे आहे. मी जे बोललो ते कधीच माघारी घेत नाही,” असे विधान केले. यापूर्वीच्या वक्तव्यावर ठाम राहत, पडळकर यांनी टीकाकारांना प्रत्युत्तर दिले. त्यांनी “तुम्ही मला मंगळसूत्र चोर म्हणता, तर जयंत पाटलांच्या कितव्या बायकोचे मंगळसूत्र मी चोरले ते सांगा,” असा सवाल केला. तसेच, आपल्याला गोप्या गोप्या असे संबोधणाऱ्यांवरही त्यांनी टीका केली. पडळकरांनी जयंत पाटील यांना थेट आव्हान देत, वेळ आणि स्थळ निश्चित केल्यास आपण भेटण्यास तयार असल्याचे सांगितले.