शरद पवार कलाकार, त्यांची चावीही कमालय, कुठेही चालते!; शिवसेनेच्या मंत्र्याचं वक्तव्य चर्चेत

जळगाव : राज्याचे पाणीपुरवठा मंत्री गुलाबराव पाटील यांनी शरद पवार यांच्याबाबत एक वक्तव्य केलंय. त्याची सध्या जोरदार चर्चा होतेय. “ते शरद पवार आहेत ना, ते कलाकार आहेत आणि शरद पवार म्हणजे चावी! ती चावी कुठेही चालते, असं गुलाबराव पाटील म्हणालेत. जळगाव जिल्ह्यातील धरणगाव तालुक्यात असलेल्या चिंचपुरे गावात विविध विकास कामांचे उद्घाटन मंत्री गुलाबराव पाटलांच्या हस्ते करण्यात आलं. यावेळी ते बोलत होते. चिंचपुरा गावाने ग्रामपंचायतची निवडणूक बिनविरोध करण्याची परंपरा जोपासली आहे. त्याचे कौतुक करताना गुलाबराव पाटलांनी आमच्या पुढाऱ्यांना भानगडी पाहिजे असतात भानगड केले नाही तर आमचा पोट भरत नाही असं वक्तव्य केलंय.