Solapur Water Logging : माढातील वाकाव गावाला पुरानं वेढलं, 2 हजारांपेक्षा अधिक लोकं पुरात अडकले, बघा भीषण स्थिती

सोलापूर जिल्ह्यात झालेल्या मुसळधार पावसामुळे पूर परिस्थिती निर्माण झाली आहे. माढा तालुक्यातील वाकाव गावात 2000 पेक्षा जास्त नागरिक पूरग्रस्त भागात अडकले आहेत. यामध्ये महिला आणि मुलेही आहेत. मोहोळ तालुक्यातील लांबोती भागात शेतीचे मोठे नुकसान झाले आहे. शेतीला तळ्याचे स्वरूप आले आहे. सिना नदीने रौद्ररूप धारण केले आहे आणि तिच्या पाण्याखाली मोठ्या प्रमाणात शेती गेली आहे. नदीतून 2 लाख क्यूसेक्स पाणी सोडण्यात येत आहे. उत्तर सोलापूर, ग्रामीण माढा, करमाळा, मोहोळ, बारशी आणि दक्षिण सोलापूर तालुक्यातील शाळांना अतिवृष्टीमुळे सुट्टी जाहीर करण्यात आली आहे. बचावकार्य सुरू असले तरी पाण्याचा प्रवाह मोठा असल्याने अडचणी येत आहेत.