Santosh Bangar : संतोष बांगर पुन्हा वादाच्या भोवऱ्यात? शब्दांबरोबर आता हातवाऱ्यांचाही स्तर घसरला, ‘त्या’ आरोपांवरून राजकारण तापलं

हिंगोली जिल्ह्यातील कळमनुरीचे शिंदे गटाचे आमदार संतोष बांगर पुन्हा एकदा वादग्रस्त वक्तव्ये आणि हातवाऱ्यांमुळे चर्चेत आले आहेत. त्यांनी भाजप आमदार तानाजी मुटकुळे यांच्यावर टीका करताना नवा वाद निर्माण केला आहे. हिंगोली पालिकेच्या निवडणुकीत शिंदे गट आणि भाजप स्वतंत्रपणे लढत असल्याच्या पार्श्वभूमीवर हा प्रकार घडला आहे. यापूर्वीही बांगर विरोधकांबद्दल बोलताना अशाच कारणांमुळे वादात सापडले होते.

या प्रकरणात, विरोधकांनी संतोष बांगर यांच्यावर गंभीर आरोप केले आहेत. त्यांच्या मते, बांगर दहा वर्षांपूर्वी 302 च्या आरोपाखाली तुरुंगात होते आणि त्यांना न्यायालयाने जन्मठेप सुनावली होती. आमदार झाल्यानंतर त्यांनी मटका आणि गुटखा अड्डे सुरू केल्याचा आरोपही विरोधकांनी केला आहे. तसेच, रेतीमाफियांच्या माध्यमातून नवीन पिढी बरबाद करत असल्याचा आरोपही त्यांच्यावर होत आहे. याशिवाय, दीड वर्षांपूर्वी बाजार समितीत सर्व उमेदवार जिंकले नाहीत, तर मिशी काढण्याचा शब्द त्यांनी दिला होता; मात्र तो पाळला नाही, असा दावा विरोधकांनी केला आहे.