Chandrashekhar Bawankule | आमदार नाराज तर मग उद्धव ठाकरे घरी का? बावनकुळे यांनी काढला चिमटा

Chandrashekhar Bawankule | 50 खोके, एकदम ओक्के, या विरोधकांच्या दबावतंत्रामुळे सरकारची नाकेबंदी झाल्याचे चित्र आहे. विरोधक दररोज विधीमंडळाच्या पायऱ्यांवर घोषणाबाजी करत असल्याने त्याचा परिणामही दिसून येत आहे. त्यावर प्रतिक्रिया देताना भाजपचे प्रदेशाध्यक्ष चंद्रशेखर बावनकुळे (Chandrashekhar Bawankule) यांनी सरकारची प्रतिमा (Government Image) मलिन करण्यासाठीच विरोधकांनी हा प्रयत्न सुरु केल्याचा आरोप केला आहे. वैयक्तिक जीवनाबद्दल पुरावे नसताना नाहक बदनामी करत आहे, ते योग्य नसल्याचे त्यांनी सांगितले. सरकार गेल्याने विरोधक निराश असल्याचा टोला ही त्यांनी लगावला. आमदारांच्या (MLA Personal Comments) व्यक्तिगत जीवनावर टीकाटिप्पणी करु नये असेही त्यांनी म्हटले आहे. आमदार नाराज असतील तर मग उद्धव ठाकरे (Udhav Thackeray) घरी का? असा सवाल करत विरोधकांनी नैराश्येतून बाहेर येत विकासाच्या मुद्यावर आक्रमक व्हाव, विधायक भूमिका घ्यावी असे आवाहन त्यांनी केले.