जे बंडखोर ऐकणार नाहीत, त्यांना सहा वर्षे बंदी, बावनकुळे यांनी दिला दम

महायुतीत काही उमेदवारांनी नाराज होऊन अर्ज भरले आहेत. त्यांची समजूत काढण्यात येणार आहे. 99 टक्के उमेदवार अर्ज मागे घेतील. जे उमेदवार ऐकणार नाहीत त्यांच्यावर कारवाई करण्यात येणार असल्याचे भाजपा नेते चंद्रशेखर बावनकुळे यांनी म्हटले आहे.अशा न ऐकणाऱ्या उमेदवारांना सहा वर्षे भाजपाची दारे बंद होतील असेही चंद्रशेखर बावनकुळे यांनी म्हटले आहे. जितेंद्र आव्हाड यांनी नथुरामवरुन संघावर टीका केली आहे.या संदर्भात विचारले असता चंद्रशेखर बावनकुळे यांनी जितेंद्र आव्हाड विषारी झाले आहेत. आपले मतदारांना खूष करण्यासाठी त्यांना संघावर टीका करावीच लागते असेही बावळकुळे यांनी म्हटले आहे. महाविकासआघाडीच्या नेत्यांकडे काही मुद्दे नाहीत त्यामुळे ते भाजपावर टीका करीत आहेत असे चंद्रशेखर बावनकुळे यांनी म्हटले आहे.