Maharashtra Weather Update : आठवड्याच्या शेवटी पाऊस झोडपणार? काय सांगतंय हवामान खातं? कोणत्या जिल्ह्यांना अलर्ट?

गेल्या काही दिवसांपासून मुसळधार पावसाने राज्याला चांगलेच झोडपून काढल्याचे पाहायला मिळाले होते. मुसळधार पावसामुळे नद्या दुथडी भरून वाहू लागल्या होत्या. तर काही धरणातून विसर्ग देखील सुरू होता. त्यामुळे राज्यातील काही गावात, शहरातील सखोल भागात पाणी शिरलं होतं. दरम्यान, याच पावसाने काहिशी उसंत घेतल्याचे पाहायला मिळाले असताना आता राज्यात मध्य स्वरूपाचा पाऊस होणार असल्याचा अंदाज आहे. रायगड, रत्नागिरी, पुणे आणि सातारा जिल्ह्याला हवामान खात्याने मध्यम स्वरूपाच्या पावसाचा अंदाज दिला असून रायगड, रत्नागिरी, पुणे आणि सातारा या जिल्ह्याला यलो अलर्ट दिला आहे.