येत्या १५ दिवसात शरद पवार देणार मोदी यांना साथ, या आमदाराचा मोठा दावा

अमरावती : 28 सप्टेंबर 2023 | अमरावतीच्या छत्री तलावावर आमदार रवी राणा यांच्याकडून लाडक्या बाप्पाला निरोप देण्यात आला. यावेळी बोलताना रवी राणा यांनी एक मोठे विधान केलंय. मी लालबागच्या राजाला गेलो तिथे देशहितासाठी शरद पवार यांनी पंतप्रधान मोदिजी यांना साथ दिली पाहिजे असे साकडे घातले. त्यानंतर अनेक ठिकाणी गेलो तिथेही अशीच मागणी केली. अजित पवार यांच्याप्रमाणे शरद पवार हे सुद्धा पंतप्रधान मोदी यांना साथ देतील. येत्या १५ दिवसात हा चमत्कार दिसेल असा खळबळजनक दावा रवी राणा यांनी केला. देवेंद्र फडणवीस मुख्यमंत्रीचे उपमुख्यमंत्री झाले. विरोधी पक्षनेते अजित पवार थेट उपमुख्यमंत्री झाले. उद्धव ठाकरेच्या सरकारमध्ये एकनाथ शिंदे हे नगरविकास मंत्री होते ते मुख्यमंत्री झाले. त्यामुळे राजकारणात काहीही होऊ शकते. राजकारणात काहीही शक्य नाही तसेच अशक्य पण नाही असे ते म्हणाले.