International Kidney Racket : शेतकऱ्यांवर किडनी विकण्याची वेळ, आंतरराष्ट्रीय रॅकेटचा पर्दाफाश, महाराष्ट्रातून कंबोडियापर्यंत जाळे

महाराष्ट्रातील शेतकरी कर्ज आणि अतिवृष्टीमुळे त्रस्त असताना, त्यांच्यावर सावकारी जाचातून किडनी विकण्याची वेळ आली आहे. चंद्रपूर येथील रोशन कुळे यांच्यासह जवळपास पाच ते सहा जणांनी कंबोडियामध्ये किडनी विकल्याचे समोर आले आहे. यामागे महाराष्ट्र, उत्तर प्रदेश, पश्चिम बंगाल ते थेट कंबोडियापर्यंत पसरलेले आंतरराष्ट्रीय रॅकेट सक्रिय असल्याचे उघड झाले आहे. रोशन कुळे यांनी सावकाराकडून घेतलेल्या एक लाख रुपयांच्या कर्जापोटी सावकाराने ७४ लाख रुपयांची मागणी केल्याने त्यांना परदेशात जाऊन किडनी विकावी लागली. या प्रकरणाचे गांभीर्य लक्षात घेऊन सरकारने विशेष तपास पथक (एसआयटी) स्थापन केले आहे. या प्रकरणी आतापर्यंत पाच सावकारांना अटक करण्यात आली असून, मुख्यमंत्र्यांनी या प्रकरणातील दोषींवर कठोर कारवाईचे आदेश दिले आहेत.