Kalyan : जबर मार, पूर्ण शरीराला… मारहाण झाल्यानंतर तरूणी मानसिक तणावात, डॉक्टरांकडून हेल्थबद्दल मोठी माहिती

कल्याण पूर्व येथे एका तरुणीला जबर मारहाण झाल्याची घटना काल घडली. यानंतर तिला कल्याण पूर्वेतील जानकी रुग्णालयात उपचारांसाठी दाखल करण्यात आलं होतं. सध्या तिची प्रकृती कशी आहे? यासंदर्भात जानकी रुग्णालयाचे डॉक्टर जितेंद्र गुप्ता यांनी सविस्तर माहिती दिली आहे. जितेंद्र गुप्ता म्हणाले, मारहाण झालेली तरूणी काल आपल्याकडे उपचारासाठी दाखल झाली होती. तिच्यावर उपचार सुरू आहे. सध्या असं दिसंतय की तिला भरपूर मार लागला होता आणि त्याला नेकमध्ये स्पॅझम बसलेला आहे. पोटात आणि छातीत मार लागला आहे. तिच्या हातालाही फ्रॅक्चर झालंय. त्यामुळे ऑर्थोपेडिककडून तिच्यावर उपचार सुरू केले आहेत. कालपेक्षा आज तिची परिस्थिती थोडी सुधारलेली दिसत असल्याची माहिती डॉक्टरांनी दिली.