Kanya Sumangala Yojana | रक्षाबंधनाच्या निमित्तानं मुख्यमंत्री योगी यांच्याकडून मुलींना खास भेट, Watch Video

उत्तरप्रदेश, ३० ऑगस्ट २०२३ | रक्षाबंधन निमित्तानं उत्तर प्रदेशचे मुख्यमंत्री योगी आदित्यनाथ यांनी मुलींना खास भेट दिली आहे. पुढील वर्षापासून मुख्यमंत्री कन्या सुमंगला या योजनेच्या लाभार्थ्यांना मोठा फायदा होणार आहे. रक्षाबंधनाच्या निमित्ताने मुख्यमंत्री योगी आदित्यनाथ यांनी राज्यातील मुलींना मोठी भेट देताना असे म्हटले की, ‘मुख्यमंत्री कन्या सुमंगला’ योजनेच्या लाभार्थींशी संवाद साधताना मुख्यमंत्री योगी यांनी या योजनेच्या निधीत वाढ करण्याची घोषणा केली. कन्या सुमंगला योजनेची रक्कम 15 हजारांवरून 25 हजार रुपये मिळणार असल्याची घोषणा केली. तर मुलीचा जन्म झाल्यानंतर 5 हजार रुपये देण्यात येणार आहे. यासोबतच मुलगी पदवी किंवा डिप्लोमा कोर्स करत असेल तर तिच्या खात्यात 7 हजार रुपये राज्य सरकारकडून दिले जाणार आहे.