महाडिक गटाला मोठा धक्का, छत्रपती राजाराम सहकारी साखर कारखान्याचे 1,272 सभासद अपात्र

कोल्हापूर, ८ सप्टेंबर २०२३ | कोल्हापुरातील छत्रपती राजाराम सहकारी साखर कारखान्याचे 1 हजार 272 सभासद अपात्र ठरल्याचे समोर आले आहे. प्रादेशिक साखर सहसंचालकांचा छत्रपती राजाराम सहकारी साखर कारखान्यासंदर्भात हा मोठा निर्णय असल्याचे म्हटले जात आहे. या निकालामुळे महाडिक गटाला मोठा धक्का बसला आहे. तर अपात्र सभासदांमध्ये महाडिक कुटुंबातील दहा सदस्यांचा समावेश असल्याचेही सांगितले जात आहे. दरम्यान, काही महिन्यापूर्वी झालेल्या कारखाना निवडणुकीत सत्ताधारी महाडिक गटाने एक हत्ती सत्ता मिळवत सतेज पाटील गटाचा पराभव केला होता. मात्र नुकतीच झालेली राजाराम कारखान्याची निवडणूक बेकायदेशीर ठरवत फेर निवडणूक घेण्याकरता आमदार सतेज पाटील यांनी मागणी केली आहे. त्यामुळे आता राजाराम कारखान्याची निवडणूक पुन्हा होणार का याकडे लक्ष लागून राहिले आहे.