Anant Ambani : लालबागच्या राजाच्या विसर्जनासाठी अनंत अंबानी गिरगाव चौपाटीवर उस्थिती

लाडक्या बाप्पाला निरोप देण्यासाठी मुंबईत गणेशभक्तांचा उत्साह ओसंडून वाहत आहे. विशेषतः लालबागच्या राजाच्या विसर्जन मिरवणुकीने गिरगाव चौपाटीवर जनसागर उसळला आहे. हजारो भाविक आपल्या लाडक्या राजाला निरोप देण्यासाठी अगदी छातीपर्यंत समुद्राच्या पाण्यात उभे आहेत. ही विसर्जन मिरवणूक जवळपास २४ तासांपासून सुरू आहे. या सोहळ्यासाठी मुकेश अंबानी यांचे पुत्र अनंत अंबानी यांनीही उपस्थिती लावली आहे.

गणेशोत्सवादरम्यान ते दररोज दर्शनासाठी येत होते आणि आता विसर्जनासाठीही ते हजर आहेत. कोळी बांधवांच्या बोटींच्या आणि तराफ्याच्या साहाय्याने लालबागच्या राजाची मूर्ती खोल समुद्रात विसर्जित केली जाईल. मुंबई महानगरपालिका आणि मंडळातर्फे सुरक्षिततेची पूर्ण काळजी घेतली जात आहे. चिंचपोकळीचा चिंतामणी आणि इतरही अनेक प्रसिद्ध गणेश मंडळांचे बाप्पा गिरगाव चौपाटीवर विसर्जनासाठी येत आहेत.