माझ्याकडे 90 टक्के रिस्पॉन्स आहे, पण मी आबांना… पुन्हा लक्ष्मण हाकेच्या घरातील व्हिडीओ व्हायरल

लक्ष्मण हाके यांचा एक कथित व्हिडिओ सध्या सोशल मीडियावर व्हायरल होत असून, यामुळे राजकीय वर्तुळात विविध चर्चांना उधाण आले आहे. हा व्हिडिओ नवनाथ वाघमारे यांना उद्देशून असल्याची शक्यता वर्तवली जात आहे, ज्यात हाके यांनी ९० टक्के प्रतिसाद मिळाल्याचा दावा केला आहे आणि आबा यांना पुढे घेण्याविषयी बोलले आहे.

टीव्ही नाईन मराठी या व्हायरल व्हिडिओच्या सत्यतेची पुष्टी करत नाही. या व्हायरल व्हिडिओमध्ये छगन भुजबळ यांच्या संदर्भातही उल्लेख असल्याचे समोर आले आहे. पूजा झोळेके यांच्या इंस्टाग्राम अकाउंटवरून हा व्हिडिओ शेअर करण्यात आला आहे. लक्ष्मण हाके यांनी या व्हिडिओबद्दल स्पष्टीकरण दिले आहे. ते म्हणाले, “मी आणि नवनाथ आबा गेल्या साडेतीन वर्षांपासून ओबीसी एक करण्यासाठी खांद्याला खांदा लावून काम करत आहोत.

मानवी स्वभावाप्रमाणे आमच्यात मतभेद होऊ शकतात, आम्ही भांडूही शकतो.” ओबीसी आरक्षणाबाबत आपली भूमिका मांडताना हाके यांनी ओबीसी आरक्षण संपले आहे असे म्हटले आहे. १ सप्टेंबरला मुंबईला जाण्याचे आवाहनही त्यांनी केले आहे. महत्त्वाचे म्हणजे, ही भूमिका त्यांनी छगन भुजबळ यांच्या ओबीसी आरक्षण संपलेले नाही या विधानाला छेद देत मांडली आहे. हाके यांनी ओबीसींच्या अंडरकरंटबद्दल सरकारला माहिती देत असल्याचेही सांगितले.