Nashik : बाप हा काय प्रकार! 6-7 जणं आले अन् तरूणाला चक्क कारमध्ये कोंबलं, नाशकात भरदिवसा अपहरण

नाशिकच्या सातपूर परिसरात दिवसाढवळ्या एका तरुणाच्या अपहरण करण्याचा प्रयत्न झाला. हा धक्कादायक प्रकार सातपूर परिसरामध्ये घडला असून त्याचा व्हिडीओ सोशल मीडियावर व्हायरल झाला आहे. व्हिडीओमध्ये सहा ते सात जण तरुणाला जबरदस्तीने गाडीत चढवण्याचा प्रयत्न करताना दिसत आहेत. अपहरण करण्यात आलेल्या तरुणाने धैर्य दाखवून पळ काढत पोलीस ठाणे गाठले. या तरूणाने सातपूर पोलीस ठाण्यात याबाबत तक्रार दाखल केली आहे. पोलिसांनी गुन्हा दाखल करून पुढील तपास सुरू केला आहे. या घटनेमुळे नाशिक शहरात भीतीचे वातावरण निर्माण झाले आहे. पोलिसांनी आरोपींना ताब्यात घेण्यासाठी प्रयत्न सुरू केले आहेत.