महाराष्ट्रात शेतकऱ्यांना दिलासा: शेतकरी कर्जमाफीचा दुसरा हप्ता जारी, CM Fadnavis यांची प्रतिक्रिया

शेतकरी कर्जमाफी योजनेचा दुसरा हप्ता जारी करण्यात आला आहे. मुख्यमंत्री देवेंद्र फडणवीस यांनी एका क्लिकद्वारे शेतकऱ्यांच्या खात्यात रक्कम हस्तांतरित केली. या वितरणामुळे लाखो शेतकऱ्यांना दिलासा मिळाला आहे.

आज एकाच वेळी सहा लाख छत्तीस हजार छत्तीस शेतकऱ्यांच्या खात्यात पाच हजार शहाऐंशी कोटी रुपये वितरित करण्यात आले. यामुळे आतापर्यंत एकूण बारा लाख छप्पन हजार शेतकऱ्यांना दहा हजार एकशे पंधरा कोटी रुपयांचा लाभ मिळाला आहे. या योजनेअंतर्गत पात्र शेतकऱ्यांचे ई-केवायसी (e-KYC) लवकरात लवकर पूर्ण होऊन त्यांच्या खात्यांमध्ये पैसे जमा होतील, असा विश्वास शासनाने व्यक्त केला आहे.