Kokan Rain Alert | कोकणात मुसळधार पावसाचा अंदाज, मच्छिमारांना समुद्रात न जाण्याचे आवाहन

काल (रविवारी) कोकण, गोव्यात बहुतांश ठिकाणी तर मध्य महाराष्ट्रात तुरळक ठिकाणी पावसाची नोंद झाली. मराठवाडा आणि विदर्भात हवामान कोरडं होतं. मध्य महाराष्ट्रात बऱ्याच ठिकाणी तापमान सरासरीच्या तुलनेत लक्षणीय वाढ झाली होती. विदर्भाच्या बऱ्याच भागात किमान तापमानात सरासरीच्या तुलनेत किंचित घट झाली आहे. उर्वरित राज्यात किमान तापमान सरासरीच्या जवळपास नोंदविण्यात आले आहे. तर तर कोकण, गोव्यात काही ठिकाणी किमान तापमानात किंचित वाढ झाली.

अरबी समुद्रातील कमी दाबाचे क्षेत्र तीव्र होतंय मात्र ते किनारी भागापासून दूर जात आहे. याच घटनांचा परिणाम म्हणून 8, 9 आणि 10 नोव्हेंबर रोजी वादळी वारे वाहतील. वाऱ्याचा वेग ताशी 80 ते 90 किमी राहील. मच्छीमारांनी समुद्रात जाऊ नये, असं आवाहन भारतीय हवामानशास्त्र विभागाचे ज्येष्ठ वैज्ञानिक के एस होसाळीकर यांनी केलं आहे.