सिलेंडर रिफिल बुकिंगचे नियमात मोठा बदल! आता 21 दिवसांऐवजी 25 दिवसांनीच करता येणार बुकिंग

आखाती देशांतील युद्धजन्य परिस्थितीमुळे गॅस सिलेंडर रिफिलिंगच्या नियमांमध्ये सरकारने बदल केले आहेत. या नवीन नियमानुसार, आता ग्राहक आपला गॅस सिलेंडर संपल्यानंतर 21 दिवसांऐवजी 25 दिवसांनीच पुढील बुकिंग करू शकतील. हा बदल देशभरातील गॅस ग्राहकांसाठी लागू होणार असून, याचा थेट परिणाम घरगुती गॅस वापरावर होणार आहे.

रत्नागिरीमध्ये या नियमाबद्दल नागरिकांकडून प्रतिक्रिया जाणून घेण्यात आल्या. अनेक महिला ग्राहकांनी या निर्णयावर तीव्र नाराजी व्यक्त केली आहे. त्यांच्या मते, एका सिलेंडरचा वापर साधारणतः 20 दिवसांपर्यंत होतो. त्यामुळे 25 दिवसांच्या कालावधीमुळे सिलेंडर लवकर संपून अनेक दिवस गॅसशिवाय रहावे लागण्याची शक्यता आहे. या बदलामुळे घरातील जेवणाचे नियोजन बिघडेल आणि महिलांना मोठ्या अडचणींचा सामना करावा लागेल, अशी चिंता त्यांनी बोलून दाखवली. सरकारने हा निर्णय मागे घेऊन पुन्हा 21 दिवसांचा नियम लागू करावा, अशी मागणी नागरिकांनी केली आहे.