Dharashiv Floods : धाराशिवमध्ये भीषण पूरस्थिती, 25 गावांचा संपर्क तुटला; रस्ते, घरं सगळं काही पाण्यात, बघा ड्रोन व्ह्यू

धाराशिव जिल्ह्यातील परंडा तालुक्यात मुसळधार पावसामुळे गंभीर पूरस्थिती निर्माण झाली आहे. ड्रोन कॅमेऱ्यांनी काढलेल्या दृश्यांमधून धाराशिव जिल्ह्यातील पूरपरिस्थितीची भीषण परिस्थिती पहायला मिळत आहे. जिल्ह्यात झालेल्या अतिवृष्टीमुळे 25 गावांचा संपर्क तुटला आहे. या पावसामुळे गावातील शेती पिकांचे मोठे नुकसान झाले आहे. स्थानिक रहिवाशांना मोठी अडचण येत आहे. प्रशासनाने मदत आणि बचावकार्यासाठी प्रयत्न सुरू केले आहेत, परंतु पूरग्रस्त भागापर्यंत पोहोचणे अद्याप कठीण आहे. पुढील काळात या पूरस्थितीमुळे होणारे नुकसान आणखी वाढू शकते अशी भीती व्यक्त केली जात आहे.