राज्यभरात जोरदार पावसाची हजेरी! कोणत्या जिल्ह्यांना अलर्ट? | VIDEO

महाराष्ट्रात पुन्हा एकदा पावसाने जोरदार हजेरी लावली आहे. राज्यातील अनेक जिल्ह्यांमध्ये मुसळधार पाऊस कोसळत आहे. भारतीय हवामान विभागाच्या अंदाजानुसार, पावसाचा जोर पुढील काही दिवस कायम राहणार आहे. कोकण, मध्य महाराष्ट्र, मराठवाडा आणि इतर काही भागांमध्ये मुसळधार ते अतिमुसळधार पावसाची शक्यता आहे. मुंबई, ठाणे, रायगड, रत्नागिरी आणि पालघर या जिल्ह्यांमध्ये 21 ऑगस्टपर्यंत पावसाचा जोर कायम राहण्याची शक्यता आहे, तर काही ठिकाणी पूरस्थिती निर्माण होऊ शकते.

मुंबई आणि कोकणात आज ऑरेंज अलर्ट जारी करण्यात आला आहे, तर पुण्यासाठी रेड अलर्ट देण्यात आला आहे. विदर्भातील चंद्रपूर, गडचिरोली आणि यवतमाळ या जिल्ह्यांमध्येही ऑरेंज अलर्ट आहे. मराठवाड्यात काही ठिकाणी जोरदार ते अतिजोरदार पावसाची शक्यता आहे. हवामान विभागाने 21 ऑगस्टपर्यंत अतिवृष्टीचा इशारा दिला असून, विजेच्या कडकडाटासह वादळी वाऱ्याचीही शक्यता वर्तवली आहे.