Ladki Bahin Yojana: पुन्हा दाटून आलं प्रेम? बहिणीवर सर्वांचा क्लेम! महायुतीत श्रेयवादाची लढाई

महाराष्ट्र राज्यातील आगामी पालिका निवडणुकांमध्ये सत्ताधारी महायुतीने लाडकी बहिण योजनेला प्रचाराचे प्रमुख माध्यम बनवले आहे. मात्र, या लोकप्रिय योजनेवरून महायुतीमधील तिन्ही घटकपक्षांमध्ये श्रेयवादाची लढाई सुरू झाली आहे. प्रत्येक पक्ष या योजनेचे श्रेय स्वतःकडे घेण्याचा प्रयत्न करत आहे. विधानसभेच्या वेळी ही योजना महायुतीची असल्याचा दावा करण्यात आला होता. गेल्या दीड वर्षांपासून सत्ताधारी नेते ही योजना बंद होऊ देणार नाही असे आश्वासन देत आहेत.

उपमुख्यमंत्री एकनाथ शिंदे यांना लाडकी बहिण योजनेचे शिल्पकार असल्याचे म्हटले जात आहे. त्यांच्या नेतृत्वाखालील सरकार वार्षिक ४५ हजार कोटी रुपये योजनेअंतर्गत देत असून, हे पैसे कायम मिळत राहतील असे आश्वासन दिले जात आहे. योजनेची रक्कम १,५०० रुपयांवरून ३,००० रुपये करण्याच्या विचारावरही चर्चा सुरू आहे.