जर्मनीतील tv9 ग्लोबल समिटमध्ये मंत्री उदय सामंत; म्हणाले, महाराष्ट्र-जर्मनी संबंध मजबूत….

जर्मनीमध्ये नुकताच टीव्ही 9 ग्लोबल समिट कार्यक्रम यशस्वीरित्या पार पडला. या महत्त्वपूर्ण कार्यक्रमात महाराष्ट्राचे उद्योग मंत्री उदय सामंत यांनी प्रत्यक्ष उपस्थिती दर्शवली. महाराष्ट्राचे मुख्यमंत्री देवेंद्र फडणवीस यांनी देखील या परिषदेला ऑनलाईन माध्यमातून हजेरी लावली, ज्यामुळे राज्याचा सहभाग अधिक ठळकपणे दिसून आला. या समिटमध्ये अनेक मान्यवरांची उपस्थिती होती. यामध्ये माजी केंद्रीय मंत्री अनुराग ठाकूर, प्रसिद्ध अर्थतज्ज्ञ अरविंद विरमानी आणि टीव्ही 9 चे मुख्य कार्यकारी अधिकारी व व्यवस्थापकीय संचालक बरुण दास यांचा समावेश होता.

मंत्री उदय सामंत यांच्याकडून या कार्यक्रमाच्या आयोजनाबद्दल टीव्ही 9 ला धन्यवाद देण्यात दिले. महाराष्ट्र सरकारला या आंतरराष्ट्रीय व्यासपीठावर सामील होण्याची संधी दिली. या समिटमुळे जर्मनी आणि महाराष्ट्र यांच्यातील सध्याचे संबंध भविष्यात अधिक मजबूत होतील, अशी आशा यावेळी उदय सामंत यांनी व्यक्त केली. या आंतरराष्ट्रीय संमेलनातून दोन्ही प्रदेशांमधील सहकार्य वाढवण्यावर भर देण्यात आल्याचे पाहायला मिळाले.