ZP Election Result Update : पोस्टल मतमोजणीला सुरूवात; कोण मारणार बाजी?

महाराष्ट्र राज्यातील 12 जिल्हा परिषदा आणि 125 पंचायत समित्यांच्या निवडणुकीच्या मतमोजणीला सुरुवात झाली आहे. या निवडणुकांकडे मिनी मंत्रालय म्हणून पाहिले जाते, त्यामुळे निकालाकडे संपूर्ण राज्याचे लक्ष लागलेले आहे. सकाळी 10 वाजता पोस्टल मतांची मोजणी सुरू झाली असून, त्यानंतर ईव्हीएममधील मतांची मोजणी केली जाईल.

कोल्हापूरमध्ये, जिल्हा परिषदेच्या 68 आणि पंचायत समितीच्या 136 जागांसाठी चुरशीने मतदान झाले होते, ज्यात सुमारे 74 टक्के मतदारांनी आपला हक्क बजावला. करवीर तालुक्यात काँग्रेस आणि ठाकरे गट यांच्यात मैत्रीपूर्ण लढत पाहायला मिळाली. कोल्हापूर जिल्ह्यात अनेक ठिकाणी प्रमुख पक्षांनी स्वबळावर निवडणुका लढवल्या, तर काही ठिकाणी महायुतीमधील पक्षांमध्येच लढत झाली. मतमोजणी केंद्रांवर निवडणूक यंत्रणा आणि उमेदवारांचे प्रतिनिधी उपस्थित आहेत.