संतोष देशमुख हत्या प्रकरणात मोठी घडामोड, CID चे अप्पर पोलीस महासंचालक बीडमध्ये दाखल

बीडमध्ये मस्साजोगचे सरपंच संतोष देशमुख हत्या प्रकरणात मोठी घडामोडी होत आहे. राज्य CID चे अप्पर पोलीस महासंचालक बीडमध्ये दाखल झालेले आहेत. या प्रकरणात विरोधाकांनी बीडमध्ये शनिवारी २८ डिसेंबर रोजी कलेक्टर ऑफीसवर मोर्चा काढण्याचा निर्णय घेतलेला आहे. या प्रकरणातील तीन आरोपी अद्याप फरार आहेत. मस्साजोगचे सरपंच संतोष देशमुख यांच्या हत्येला अठरा दिवस पूर्ण होत आहेत. बारा दिवसांपूर्वी हा तपास सीआयडीकडे सोपविण्यात आला होता. बीडचे एसपी नवनीत कावत यांच्या सोबत पोलीस अधिक्षक कार्यालयात सीआयडीच्या विशेष पोलीस महासंचालकांची बैठक सुरु आहे. या बैठकीत संतोष देशमुख यांच्या हत्येतील आरोपींना अटक करण्यासंदर्भात निर्णय घेतला जाणार आहे. या हत्ये प्रकरणात मंत्री धनंजय मुंडे यांच्या निकटवर्तीय समजल्या जाणाऱ्या वाल्मिकी कराड यांच्याकडे संशयाची सुई असल्याने त्यांना या प्रकरणात अटक होणार की नाही याकडे सर्वांचे लक्ष लागलेले आहे.