Manikrao Kokate : माणिकराव कोकाटे यांना जामीन मंजूर पण आमदारकीचा निर्णय अध्यक्षांकडे!

आमदार माणिकराव कोकाटे यांना मुंबई उच्च न्यायालयाने एक लाख रुपयांच्या जातमुचलक्यावर जामीन मंजूर केला आहे. यामुळे कोकाटे यांची तात्पुरती अटक टळली आहे, परंतु नाशिक जिल्हा सत्र न्यायालयाने सुनावलेल्या शिक्षेला उच्च न्यायालयाने स्थगिती दिलेली नाही. परिणामी, कोकाटे यांची आमदारकी रद्द होण्याचा मार्ग मोकळा झाला आहे. लोकप्रतिनिधीला दोन वर्षांपेक्षा अधिक शिक्षा झाल्यास त्यांची आमदारकी रद्द होते, या नियमानुसार त्यांची आमदारकी जाणे निश्चित मानले जात आहे. हायकोर्टाने जामीन मंजूर करताना कोकाटे यांनी गरीबांची घरे बळकावल्याच्या प्रकरणात दोषी असल्याचे मान्य करत त्यांची कानउघाडणी केली. आता कोकाटे यांच्या आमदारकीबाबतचा निर्णय महाराष्ट्र विधानसभेचे अध्यक्ष राहुल नार्वेकर घेतील. याचिककर्त्यांनी या निकालाचे स्वागत केले असून, कोकाटे यांच्याविरोधात सर्वोच्च न्यायालयात जाण्याचा निर्णय घेतला आहे. हा न्यायालयीन लढा अजूनही सुरूच राहणार असल्याचे स्पष्ट झाले आहे.