MCA President : अजिंक्य नाईक मुंबई क्रिकेट असोसिएशनच्या अध्यक्षपदी, बिनविरोध निवड अन्…

मुंबई क्रिकेट असोसिएशन (MCA) च्या अध्यक्षपदी अजिंक्य नाईक यांची बिनविरोध निवड झाली आहे. एमसीए अध्यक्षपदाच्या निवडणुकीसाठी दाखल केलेले उमेदवारी अर्ज मागे घेण्याची अंतिम मुदत असताना, प्रसाद लाड आणि विहंग सरनाईक यांनी आपले अर्ज मागे घेतले. यापूर्वी डायना एडलजी यांनीही अर्ज मागे घेतला होता. या माघारींमुळे अजिंक्य नाईक यांच्या अध्यक्षपदाचा मार्ग मोकळा झाला आणि त्यांची बिनविरोध निवड निश्चित झाली.

या निवडणुकीत राजकीय नेत्यांचा सहभाग असल्याने सुरुवातीला चुरस निर्माण झाली होती. मात्र, अर्ज मागे घेण्याच्या अंतिम क्षणी झालेल्या घडामोडींमुळे नाईक यांची निवड निर्विवादपणे झाली. १२ नोव्हेंबर रोजी एमसीएच्या अन्य पदांसाठी निवडणूक होणार आहे.