Thane : डोकं फिरलया बाईचं… ‘ती’ आली अन् फेरीवाल्यांचं केलं नुकसान… कळवा पारसिक नगरमध्ये महिलेचा थयथयाट, बघा व्हिडीओ

ठाण्यातील कळवा पारसिक नगरमधून एक धक्कादायक घटना समोर आली आहे. या परिसरात एका मनोरुग्ण महिलेने मोठा गोंधळ घातला. रस्त्यावरील फेरीवाल्यांच्या खाद्यपदार्थांच्या गाड्यांचे आणि त्यांच्या स्टॉल्सवरील वस्तूंचे तिने मोठ्या प्रमाणावर नुकसान केले. अचानक आलेल्या या महिलेने पाण्याच्या बॉटल्स आणि इतर विक्रीच्या वस्तू फेकून दिल्या. यामुळे रस्त्याच्या कडेला व्यवसाय करणाऱ्या अनेक लहान व्यावसायिकांचे मोठे आर्थिक नुकसान झाले आहे. या घटनेची माहिती कळताच कळवा पोलीस ठाण्यात संबंधित महिलेविरोधात तक्रार दाखल करण्यात आली आहे.

पोलिसांनी घटनेची गांभीर्याने नोंद घेऊन पुढील तपास सुरू केला आहे. महिलेने हा राडा नेमका कोणत्या कारणामुळे घातला, तिच्या मानसिक स्थितीचा या घटनेशी काय संबंध आहे, याचा शोध पोलीस घेत आहेत. सध्या तरी तिच्या या कृतीमागील हेतू स्पष्ट झालेला नाही. या घटनेमुळे परिसरात काही काळ भीतीचे वातावरण निर्माण झाले होते आणि स्थानिकांमध्ये चर्चांना उधाण आले आहे. पोलीस या प्रकरणाचा सखोल तपास करत आहेत, जेणेकरून सत्य समोर येईल आणि योग्य ती कारवाई केली जाईल.