Sanjay Shirsat : राऊत यांनी शिवसेना संपवण्याची सुपारी घेतली, आमदार संजय शिरसाट यांची घणाघाती टिका

Sanjay Shirsat News : शिंदे गटात सामाली झालेले औरंगाबाद येथील आमदार संजय शिरसाट (MLA Sanjay Shirsat) यांनी शिवसेनेचे खासदार संजय राऊत (Sanjay Raut) यांच्यावर घणाघाती टीका केली आहे. संजय राऊत हे शिवसेना संपवायला निघाले असल्याचा आरोप त्यांनी केला. एकीकडे उद्धव ठाकरे (Udhav Thakeray) हे शिंदे गटाला परत शिवसेनेत येण्याचे आवाहन करत आहेत तर काही जण टीका करत आहेत, या प्रश्नाला उत्तर देताना शिरसाट यांनी या टीकेचा कुठलाही परिणाम शिंदे गटातील आमदारांवर होणार नसल्याचे सांगितले. आमच्या मनता कुठलाही संभ्रम नाही. आम्ही आजही शिवसैनिक आहोत. आम्ही बाळासाहेबांचा विचार घेऊनच शिंदे यांच्या नेतृत्वात पुढे चाललो असल्याचे त्यांनी सांगितले.

गुरुपौर्णिमेला मातोश्रीवर जाणार काय?

गुरुपौर्णिमेला उद्धव ठाकरे यांची भेट घेणार का या प्रश्नावर त्यांनी थेट बोलायचं टाळलं.गुरुस्थानी बाळासाहेब ठाकरे यांना मानतो, गुरुपौर्णिमेबद्दल निर्णय मुख्यमंत्री एकनाथ शिंदे (CM Eknath Shinde) घेतील असे आ. शिरसाट यांनी सांगितले. आज आमचे नेते एकनाथ शिंदे आहे आणि ते सांगतील त्या पद्धतीने आम्ही काम करू असे त्यांनी यावेळी सांगितले.