Suresh Dhas : बोलायला फोन, स्वतंत्र जेवण अन् एसी रूम, संतोष देशमुखांच्या आरोपींचा तुरुंगात राजेशाही थाट? सुरेश धसांचा खळबळजनक दावा!

संतोष देशमुखांच्या आरोपींना रोज फोनवर बोलायला दिलं जातं, असं आमदार सुरेश धस यांनी म्हंटलं आहे. इतकंच नाही तर आरोपींना एसी रूम देखील उपलब्ध करून दिले गेले आहेत, असंही सुरेस धसांनी म्हंटलं आहे. वाल्मिक कराड जेल प्रशासनाचा जावई आहे का? कराडला देखील नागपूर किंवा अमरावती कारागृहात पाठवा अशी मागणी यावेळी धस यांनी केली आहे.

आमदार सुरेश धस यांनी आज बीडच्या कारागृह प्रशासनावर गंभीर आरोप केलेले आहेत. वाल्मिक कराड आणि गँगला तुरुंगात राजेशाही वागणूक दिली जात असल्याचं सुरेश धस यांनी म्हंटलं आहे. तुरुंगात वाल्मिक कराडला आणि संतोष देशमुख यांच्या आरोपींना बोलायला रोज फोन दिले जातात. तसंच आरोपींना राहायला एसी रूम देखील उपलब्ध करून दिलेले आहेत, असं धस यांनी म्हंटलं आहे.