मराठा आंदोलकांच्या भेटीसाठी निघालेल्या राज ठाकरे यांचा ताफा अडवला अन्…

छत्रपती संभाजीनगर, ४ सप्टेंबर २०२३ | जालन्यातील आंतरवाली सराटी या गावात झालेल्या मराठा आंदोलकांवरील लाठीचार्जचे पडसाद संपूर्ण राज्यभरात पाहायला मिळत आहे. या घटनेच्या पार्श्वभूमीवर राज्यात अनेक जिल्ह्यात जिल्हा बंदी पुकारण्यात आली आहे. अशातच जालन्यात गेल्या दोन दिवसांपासून राजकीय वर्तुळातील नेते मंडळी जालन्यात दाखल होत आंदोलकाची भेट घेत आहेत. आज राज ठाकरे देखील जालन्यात दाखल होत मराठा आंदोलकांची भूमिका जाणून घेण्यासाठी येत असताना त्याचा ताफा वाटेतच अडवण्यात आला. राज ठाकरे हे सकाळीच जालन्याकडे जायला निघाले. औरंगाबादला आल्यानंतर ते कारने जालन्याकडे जायला निघाले होते. यावेळी राजापूरजवळ मराठा आंदोलकांची निदर्शने सुरू होती. राज ठाकरे यांचा ताफा आल्याचं समजताच या आंदोलकांना राज ठाकरे यांचा ताफा अडवला. यावेळी कारच्या खाली उतरून राज ठाकरे यांनी मराठा आंदोलकांचं म्हणणं ऐकून घेतलं आणि त्यांना शांत राहण्याचेही आवाहन केले.