MPSC Paper Leak :कोणत्याही गैरप्रकाराशी माझा संबंध नाही’, अभिमन्यु पवार यांच्याकडून भूमिका स्पष्ट

MPSC पेपरफुटी संदर्भात निर्माण झालेल्या आरोपांवर राष्ट्रवादी काँग्रेसचे नेते अभिमन्यू पवार यांनी आपली सविस्तर भूमिका स्पष्ट केली आहे. कोणत्याही गैरप्रकाराशी आपला तिळमात्रही संबंध नसल्याचे अभिमन्यू पवार यांनी ठामपणे सांगितले आहे. गेल्या काही दिवसांपासून या प्रकरणावरून विविध चर्चा आणि आरोप-प्रत्यारोप सुरू असताना, पवार यांनी पत्रकार परिषद घेऊन आपली बाजू मांडली. यावेळी बोलताना अभिमन्यू पवार यांनी स्पष्ट केले की, सुनील गाढवे नावाचे जे व्यक्ती चर्चेत आहेत, ते माझे वैयक्तिक सहाय्यक (PA) नाहीत किंवा ते माझे कोणतेही नातेवाईक नाहीत.

त्यांच्याशी माझा कसलाही संबंध नाही, असे त्यांनी नमूद केले. माझ्यावर जे आरोप केले जात आहेत, ते पूर्णपणे निराधार आणि तथ्यहीन आहेत. या आरोपांमध्ये कोणतेही सत्य नाही, असेही अभिमन्यू पवार यांनी म्हटले आहे. त्यांच्या या स्पष्टीकरणामुळे MPSC पेपरफुटी प्रकरणाशी संबंधित आरोप-प्रत्यारोपांना वेगळी दिशा मिळण्याची शक्यता आहे. त्यांनी केलेल्या स्पष्टीकरणामुळे राजकीय वर्तुळात आता पुढे काय घडामोडी होतात, याकडे सर्वांचे लक्ष लागले आहे.