राहुल गांधी यांना घरचा आहेर मिळालाय, आता माफी मागा; भाजप आमदार आक्रमक

मुंबई : भाजपचे आमदार अतुल भातखळकर यांनी ठाकरे गटाचे खासदार संजय राऊत यांच्यावर टीका केली आहे. तसंच राऊल गांधी यांच्यावरही निशाणा साधलाय. राहुल गांधी यांच्याबाबत आशिष देशमुख यांनी जे विधान केलं आहे, त्यामुळे काँग्रेसला घरचा आहेर मिळालाय, असं भातखळकर म्हणाले आहेत. संजय राऊत यांना आता काहीही कामधंदा उरलेला नाहीये. त्यामुळे त्यांच्याकडून काहीही विधानं केली जात आहेत. भविष्यातही ती येत राहील राऊत यांना मूर्खाच्या नंदनवनमध्ये राहण्याची सवय आहे, असंही भातखळकर म्हणाले आहेत.