BEST बसचा पुन्हा कहर; पादचाऱ्याचा मृत्यू, 8 प्रवासी जखमी, अपघातांची मालिका कायम
मुंबईत पुन्हा एकदा बेस्ट बसचा भीषण अपघात झाला असून, या दुर्घटनेत एका पुरुष पादचाऱ्याचा दुर्दैवी मृत्यू झाला आहे. तसेच, बसमधील आठ प्रवासी आणि बस चालक किरकोळ जखमी झाले असून, सर्व जखमींवर रुग्णालयात उपचार सुरू आहेत.
मुंबईत पुन्हा एकदा बेस्ट बसचा भीषण अपघात झाला असून, या दुर्घटनेत एका पुरुष पादचाऱ्याचा दुर्दैवी मृत्यू झाला आहे. तसेच, बसमधील आठ प्रवासी आणि बस चालक किरकोळ जखमी झाले असून, सर्व जखमींवर रुग्णालयात उपचार सुरू आहेत.
अपघातानंतर तातडीने बचावकार्य सुरू करण्यात आले. जखमी प्रवासी आणि बस चालकाला त्वरित शताब्दी रुग्णालयात दाखल करण्यात आले असून, त्यांच्यावर उपचार सुरू आहेत. डॉक्टरांनी सर्वांची प्रकृती स्थिर असल्याची प्राथमिक माहिती दिली आहे.
दरम्यान, अपघातानंतर काही काळ परिसरातील वाहतूक विस्कळीत झाली होती. मात्र, पोलिसांनी घटनास्थळी तातडीने पोहोचून वाहतूक सुरळीत केली असून, सध्या वाहतूक पूर्ववत सुरू आहे.
गेल्या काही दिवसांत बेस्ट बस अपघातांच्या घटनांमध्ये वाढ होत असल्याने नागरिकांमध्ये चिंतेचे वातावरण निर्माण झाले आहे. या अपघाताचे नेमके कारण काय होते, याचा तपास संबंधित यंत्रणांकडून सुरू असून, पुढील तपासानंतर अधिक माहिती समोर येण्याची शक्यता आहे.
