Mumbai Coastal Road crash : कोस्टल रोड अपघातातल्या शयान गज्जलचा जुना व्हिडिओ व्हायरल, त्यावेळी पण त्याच्या BMW कारचा..

मुंबई कोस्टल रोडवर झालेल्या भीषण BMW कार अपघातात चालक शनय गजरसह अन्य दोघांचा दुर्दैवी मृत्यू झाला. या अपघाताने परिसरात खळबळ उडाली आहे. या गंभीर घटनेनंतर शनय गजरचा एक जुना व्हिडीओ सोशल मीडियावर वेगाने व्हायरल होत आहे. हा व्हिडीओ २९ मार्च रोजी घडलेल्या एका अपघाताचा असून, त्यात शनय गजरने ताडदेव परिसरातील ओंकार शिरके यांच्या पत्नीला आपल्या BMW कारने धडक दिली होती.

मिळालेल्या माहितीनुसार, २९ मार्च रोजी शनय गजरने ओंकार शिरके यांच्या पत्नीला धडक दिली, त्यावेळी शिरके यांनी त्याला जाब विचारला असता शनय त्यांच्याशी अतिशय उद्धटपणे वागला होता. या घटनेचा व्हिडीओ सध्या चर्चेत आला आहे. शिरके यांनी त्यावेळी गावदेवी पोलीस ठाण्यात शनयविरुद्ध तक्रारही दाखल केली होती. शिरके यांच्या दाव्यानुसार, त्या घटनेच्या वेळीही शनय अतिवेगाने गाडी चालवत होता. कोस्टल रोडवरील अपघातानंतर आता शनय गजरच्या बेशिस्त आणि बेदरकार ड्रायव्हिंगची ही जुनी घटना पुन्हा समोर आली आहे.