मुंबईत हवेचा दर्जा खालावला, AQI थेट 195 वर

महाराष्ट्रामध्ये राजकीय घडामोडींसोबतच हवामानातील बदलांमुळे आरोग्याचा प्रश्न गंभीर होत असल्याचे चित्र आहे. मुंबईसह राज्यात थंडीचा कडाका वाढला असून, हवेचा गुणवत्ता निर्देशांक (AQI) 195 वर पोहोचला आहे, ज्यामुळे ती अति वाईट श्रेणीत मोडते. दाट धुक्यामुळे मुंबईत सर्वत्र धुरकट वातावरण निर्माण झाले असून, मुंबईची प्रसिद्ध स्कायलाईन धुक्याच्या गर्तेत हरवलेली दिसत आहे. मुंबईची हवा श्वसनासाठी दूषित झाल्याने मुंबईकरांनी स्वतःच्या आरोग्याची काळजी घेणे अत्यंत आवश्यक आहे. या गंभीर परिस्थितीवर मुंबई महानगरपालिका आणि राज्य प्रदूषण मंडळ काय उपाययोजना करणार, याकडे सर्वांचे लक्ष लागले आहे.