नागपूरात झळकले कॉंग्रेसला डिवचणारे बॅनर! राजकीय वर्तुळात चर्चा

नागपूर जिल्ह्यातील कामठी येथे काँग्रेस पक्षाविरुद्ध अनामी बॅनर्स लावण्यात आल्याची घटना घडली आहे. तीन सप्टेंबर रोजी काँग्रेसने याच ठिकाणी एक सभा आयोजित केली होती. यानंतर काँग्रेस नेते सुनील केदार यांच्यावर टीका करणारे हे बॅनर्स लावण्यात आले. “किसान का पैसा खाने वाले बेल पर बाहर काँग्रेस नेता” असे या बॅनर्सवर लिहिले आहे. काँग्रेसचे चिन्ह खूनी पंजा दाखवूनही बॅनर्सवर चित्रित करण्यात आले आहे. नागपूर ग्रामीण भागातील राजकारण आता यामुळे तापले आहे. जिल्हा परिषद निवडणुकांच्या पार्श्वभूमीवर हे प्रकरण अधिक महत्त्वाचे झाले आहे. या घटनेमुळे भाजप आणि काँग्रेस यांच्यातील संघर्ष तीव्र होण्याची शक्यता वर्तवण्यात येत आहे.