नागपूरच्या स्फोटकं बनवणाऱ्या कंपनीत भीषण स्फोट! 25 कर्मचारी अडकले
नागपूर जिल्ह्यातील कळमेश्वर तालुक्यात स्फोटकं बनवणाऱ्या एसबीएल कंपनीत भीषण स्फोट झाला आहे. डिटोनेटर बनवताना हा स्फोट झाल्याची माहिती असून, २५ मजूर आत अडकले असल्याची भीती व्यक्त केली जात आहे. गंभीर जखमींना रुग्णालयात दाखल करण्यात आले असून, प्रशासकीय यंत्रणा घटनास्थळी पोहोचली आहे.
नागपूर जिल्ह्यातील कळमेश्वर तालुक्यातील एसबीएल कंपनीत भीषण स्फोट झाल्याची घटना घडली आहे. स्फोटकं तयार करणाऱ्या या कंपनीमध्ये पहाटेच्या सुमारास झालेल्या या स्फोटामुळे २५ मजूर आत अडकले असल्याची भीती व्यक्त करण्यात येत आहे. मिळालेल्या माहितीनुसार, डिटोनेटर बनवण्याच्या प्रक्रियेदरम्यान हा स्फोट झाला.
या घटनेमुळे परिसरात एकच खळबळ उडाली आहे. घटनेची माहिती मिळताच नागपूरचे जिल्हाधिकारी डॉ. विपीन इटनकर यांनी घटनास्थळाकडे धाव घेतली आहे. पोलीस प्रशासन आणि बचाव पथके तातडीने पोहोचले असून, जखमींना तात्काळ रुग्णालयात दाखल करण्यात आले आहे. यापूर्वीही एसबीएल कंपनीत स्फोट झाल्याची घटना घडली होती, त्यामुळे कर्मचाऱ्यांच्या सुरक्षेचा प्रश्न पुन्हा ऐरणीवर आला आहे. प्रशासनाकडून परिस्थिती नियंत्रणात आणण्याचे प्रयत्न सुरू आहेत.
नागपूरच्या स्फोटकं बनवणाऱ्या कंपनीत भीषण स्फोट! 25 कर्मचारी अडकले
सावंतवाडी-दोडामार्ग पट्ट्यातील 25 गावांना इको सेन्सिटिव्ह झोनचा दर्जा
इराणचे 6 देशांवर प्रतिहल्ले मध्यपूर्वेतील अमेरिकन तळांना केले लक्ष्य
अमेरिका-इराण युद्धातले 10 महत्त्वाचे मुद्दे कोणते?

