Nagpur News : 128 दिवसांची झुंज संपली! कफ सिरपमुळे 4 वर्षांच्या चिमूकल्याचा दुर्दैवी अंत

नागपुरात कफ सिरप कोल्ड्रिफमुळे एका चार वर्षांच्या चिमुकल्याचा दुर्दैवी मृत्यू झाला आहे. नागपूरच्या एम्स रुग्णालयात १२८ दिवसांच्या अथक उपचारानंतर चिमुकल्याची मृत्यूशी झुंज थांबली. ही घटना मध्य प्रदेशातील छिंदवाडा येथील रहिवासी असलेल्या हर्ष नावाच्या बालकासोबत घडली.

मिळालेल्या माहितीनुसार, हर्षला २६ सप्टेंबर रोजी नागपूरच्या एम्स रुग्णालयात दाखल करण्यात आले होते. कफ सिरपच्या दुष्परिणामांमुळे त्याचे अनेक अवयव निकामी झाले होते, ज्यामुळे त्याची प्रकृती अत्यंत चिंताजनक बनली होती. तेव्हापासून त्याच्यावर सखोल उपचार सुरू होते. मात्र, चार महिन्यांहून अधिक काळ चाललेल्या या संघर्षानंतर हर्षने जगाचा निरोप घेतला. या घटनेने औषधांच्या सुरक्षिततेबाबत आणि लहान मुलांसाठी वापरल्या जाणाऱ्या सिरपच्या परिणामांवर पुन्हा एकदा प्रश्नचिन्ह निर्माण झाले आहे.