अशोक चव्हाण यांच्या कार्यक्रमात गोंधळ; व्हिडीओ आला समोर

नांदेडमध्ये खासदार अशोक चव्हाण यांच्या भाषणाच्या वेळेला लोकस्वराज्य संघटनेच्या पदाधिकाऱ्यांनी गोंधळ घातल्याचे समोर आले आहे. आरक्षणाचे उपवर्गीकरण तात्काळ लागू करण्याच्या मागणीसाठी हे आंदोलन करण्यात आले. आंदोलकांनी अशोक चव्हाण यांच्याकडे मुख्यमंत्री देवेंद्र फडणवीस यांना फोन करण्याची प्रामुख्याने मागणी केली.

यावेळी, “उपवर्गीकरण झालंच पाहिजे! आरक्षण उपवर्गीकरण हक्काचं! नाही कुणाच्या बापाचं! लोकस्वराज्य आंदोलनाचा विजय असो!” अशा जोरदार घोषणा देण्यात आल्या. नांदेडमध्ये घडलेल्या या घटनेमुळे आरक्षण उपवर्गीकरणाचा मुद्दा पुन्हा एकदा ऐरणीवर आला आहे. लोकस्वराज्य संघटनेने आपल्या मागण्या मांडण्यासाठी व्यासपीठावरच आंदोलन करत खासदार अशोक चव्हाण यांचे लक्ष वेधले. हे आंदोलन महाराष्ट्रातील आरक्षणासंदर्भातील व्यापक राजकीय आणि सामाजिक चर्चेचा एक भाग आहे, ज्यात विविध गट आपल्या मागण्यांसाठी सक्रिय आहेत.