नारायण राणे यांच्या ‘त्या’ ऑडिओ क्लिपनं विरोधकांच्या हाती आयतं कोलीत
tv9 Marathi Special Report | मंत्री नारायण राणे यांच्या आवाजातील एक कथिक ऑडिओ क्लिप सध्या व्हायरल होत आहे. या ऑडिओ क्लिपमध्ये राणे यांनी एका मराठा कार्यकर्त्याला शिवीगाळ केल्याचा आरोप होतोय. राणे यांच्या या क्लिपवरून विरोधकांनी राणेंसह सरकारवर जोरदार टीका केलीये.
मुंबई, ३० ऑक्टोबर २०२३ | राज्यात मराठा आरक्षणाचा वाद चांगलाच पेटलाय तर मनोज जरांगे पाटील यांच्या दुसऱ्या टप्प्यातील उपोषणही सुरू असताना मंत्री आमदारांच्या गाड्या आडवल्या जातायंत. सत्ताधाऱ्यांचे कार्यक्रम मराठा संघटनेचे कार्यकर्ते उधळून लावताय. तर मोठ मोठ्या नेत्यांसमोर घोषणाबाजी केली जातेय. कित्येक गावात नेत्यांना गावबंदी देखील करण्यात आली आहे. अशावेळी राज्यात मराठा आरक्षणाचा मुद्दा गाजत असताना केंद्रीय मंत्री नारायण राणे यांची एक कथिक ऑडिओ क्लिप सध्या चांगलीच व्हायरल होतेय. यावरून सध्या राज्यातील राजकारणात चांगलीच चर्चा सुरू आहे. या ऑडिओ क्लिपवरून विरोधक आता नारायण राणे यांच्यावर चांगलेच तुटून पडलेत. दरम्यान, राणे यांच्या या कथित ऑडिओ क्लिपवरून विरोधकांनी राणेंसह सरकारवर जोरदार टीका केलीये. भाजप नेत्यांची सत्तेची मस्ती जिरवायला हवी, असा निशाणा पटोले यांनी साधलाय. तर राणेंचं मंत्रिपद काढून घ्या असं म्हटलंय. बघा यासंदर्भातील स्पेशल रिपोर्ट
