आदित्य ठाकरे भेटीसाठी आले असतानाचा आंदोलक… ‘त्या’ व्हिडीओमध्ये नेमकं काय?

नाशिकमध्ये आदित्य ठाकरे यांच्या भेटीदरम्यान आदिवासी विद्यार्थ्यांच्या आंदोलनादरम्यान एका उपोषणकर्त्याची तब्येत खालावल्याची गंभीर घटना समोर आली आहे. नाशिकच्या गोल क्लब मैदानात गेल्या सतरा दिवसांपासून विविध मागण्यांसाठी आदिवासी विद्यार्थ्यांचे आंदोलन सुरू आहे. या आंदोलनात बारा दिवसांपासून काही विद्यार्थी उपोषणाला बसले होते. उपोषणकर्त्याची तब्येत अचानक बिघडल्याचे निदर्शनास आले.

तत्काळ उपलब्ध झालेल्या माहितीनुसार, आंदोलकावर सध्या आंदोलनाच्या ठिकाणीच एका खासगी रुग्णवाहिकेत उपचार सुरू आहेत. रुग्णवाहिकेतील डॉक्टरांनी सांगितले की, बारा दिवसांपासून काहीही न खाल्ल्यामुळे आंदोलकाच्या रक्तातील साखरेची पातळी (शुगर लेव्हल) ६० पर्यंत खाली आली आहे, जी सामान्य पातळीपेक्षा खूप कमी आहे (७० ते १४० च्या दरम्यान असावी लागते). आंदोलकाला श्वास घेण्यास त्रास होत असल्याने ऑक्सिजन लावण्यात आला आहे. आंदोलक आता सर्वपक्षीय पाठिंब्याची मागणी करत असून, आंदोलन राजभवनावर नेण्याचा इशारा दिला आहे