Nashik Election : तो बदनाम माणूस, त्याला मतदान करू नका, ही माजाची सत्ता…. इच्छुक नाराज उमेदवारांचा नाशकात गोंधळ

नाशिक शहरातील विभागीय कार्यालयात उमेदवारी अर्ज मागे घेण्याच्या शेवटच्या दिवशी गोंधळ आणि तणावाची परिस्थिती निर्माण झाली. देवानंद बिऱ्हाडे हे उमेदवारी अर्जासंदर्भात उपस्थित असताना त्यांच्यावर एका उमेदवाराने हल्ला केल्याचा आरोप करण्यात आला आहे. यामुळे परिसरात अचानक गोंधळ वाढला आणि पोलिसांची तारांबळ उडाली. देवानंद बिऱ्हाडे यांच्या पत्नीने आरोप केला की, तिकीट मिळण्यावरून झालेल्या वादामुळे त्यांच्या पतीवर हल्ला करण्यात आला.

या घटनेनंतर पोलिसांनी तात्काळ मध्यस्थी करत परिस्थिती नियंत्रणात आणण्याचा प्रयत्न केला. बाळकृष्ण शिरसाट, ज्यांच्यावर हल्ल्याचा आरोप करण्यात आला, त्यांनी मात्र हल्ल्याचा किंवा शिवीगाळ झाल्याचा इन्कार केला. ते म्हणाले की देवनंद बिऱ्हाडे हे ज्येष्ठ नेते असून त्यांच्यात कोणतेही वैर नाही आणि हा केवळ आपसातील विषय होता, ज्याला माध्यमांनी चुकीच्या पद्धतीने मांडले. शिरसाट यांनी ते प्रभाग क्रमांक ३१ ड मधून भाजपच्या तिकिटावर निवडणूक लढवत असल्याचे सांगितले.