Nashik Journalist Beating : …म्हणून मलाच त्यांनी जास्त मारलं, नेमकं काय घडलं पत्रकारानं सगळंच सांगितलं

नाशिक जिल्ह्यातील त्र्यंबकेश्वर येथे साधू महंतांच्या बैठकीचे वार्तांकन करण्यासाठी गेलेल्या नाशिकच्या इलेक्ट्रॉनिक मिडीयाच्या तीन पत्रकारांवर गावगुंडांनी जबर हल्ला केला. या हल्ल्यात पुढारी न्यूज चॅनेलचे प्रतिनिधी किरण ताजणे गंभीर जखमी झाले आहेत. घटनास्थळी उपस्थित असलेल्या किरण ताजणे यांनी मारहाणीच्या घटनेवेळी नेमकं काय घडलं ते सांगितले. किरण ताजणे म्हणाले, त्र्यंबकेश्वर येथे साधू महंतांच्या बैठकीचे वार्तांकनासाठी आलो आहे, असे सांगूनही त्यांना मारहाण केली गेली. सात ते आठ जणांच्या टोळक्याने त्यांच्यावर लाठ्या आणि दांडक्यांनी बेदम मारहाण करत हल्ला केला. या घटनेमुळे राज्यभर संताप व्यक्त होत आहे आणि पत्रकार संघटनांनी आरोपींवर कठोर कारवाईची मागणी केली आहे. मुख्यमंत्र्यांनीही या प्रकरणात हस्तक्षेप करून आरोपींवर कठोर कारवाईचे आदेश दिले आहेत.