मनमाड-मुंबई गोदावरी एक्सप्रेस लासलगावमध्ये तब्बल वीस मिनिटे थांबली; का? पाहा…

लासलगाव, नाशिक : मनमाड-मुंबई गोदावरी एक्सप्रेस लासलगावमध्ये वीस मिनिटे थांबली होती. लासलगाव रेल्वे स्थानकावर रेलरोको आंदोलन झालं. ओव्हर हेड वायर तपासणी टॉवरच्या धडकेतील मृत चौघे गँगमन कर्मचाऱ्यांचे सहकारी संतप्त झाल्याचं पाहायला मिळालं. या आंदोलनादरम्यान मनमाड-मुंबई गोदावरी एक्सप्रेस तब्बल वीस मिनिटे रोखून धरण्यात आली होती. रेल्वे पोलिसांच्या विनंतीनंतर रेलरोको आंदोलन तात्पुरतं मागे घेण्यात आलं. वीस मिनिटानंतर अखेर गोदावरी एक्सप्रेस मुंबईच्या दिशेने रवाना झाली.