नाहीर अख्ख्या कंपनीची तोडफोड करून जाईन, कंपनीच्या नोकर भरतीमध्ये मराठी भाषेला डावलल्याने मनसे आक्रमक

नवी मुंबईतील कोपर खैरणे येथील एमआयडीसी परिसरातील एका कंपनीच्या नोकर भरतीमध्ये मराठी भाषेला डावलल्याचा प्रकार समोर आला आहे. कंपनीने हिंदी, इंग्रजी आणि गुजराती भाषा सक्तीची असल्याची जाहिरात प्रसिद्ध केली होती, ज्यामुळे मराठीला दुय्यम स्थान मिळाल्याचा आरोप आहे. या प्रकारानंतर महाराष्ट्र नवनिर्माण सेना (मनसे) चांगलीच आक्रमक झाली आहे. मनसेच्या पवित्र्यानंतर कंपनीने अखेर आपली चूक मान्य करत माफी मागितली आहे. मात्र, मनसे नेते गजानन काळे यांनी मराठी भाषेला दुय्यम स्थान देणाऱ्यांना धडा शिकवणार असल्याचा इशारा दिला आहे.