ऐन निवडणुकीत माघारीचे संकेत, पण कारण काय? बारामतीऐवजी अजितदादा कुठून लढणार?

अजित पवार यांनी केलेलं वक्तव्य फार मोठं आहे. बारामती विधानसभा मतदारसंघातून माघार घेण्याचे आणि मुलगा जय पवार यांना तिकीट देण्याचे संकेत अजित पवार यांनी दिलेत. गेल्या लोकसभा निवडणुकीत अजित पवार यांच्या पत्नी सुनेत्रा पवार यांचा सुप्रिया सुळे यांच्याविरोधातील लढतीत पराभव झाला आणि आता ऐन विधानसभा निवडणुकीच्या तोंडावर लढण्यात रस नाही, असं वक्तव्यच अजित पवार यांनी केलं. गेल्या लोकसभा निवडणुकीत सुप्रिया सुळे यांना बारामतीतून ७ लाख ३१ हजार ४०० मतं मिळाली तर सुनेत्रा पवार यांना ५ लाख ७३ हजार ९७९ मतं मिळून पराभव झाला. म्हणजेच अजित पवार यांच्या बारामती विधानसभा मतदारसंघात सुप्रिया सुळे यांना तब्बल ४७ हजार ३८१ मतांची आघाडी मिळाली. बघा यासंदर्भातील स्पेशल रिपोर्ट…