NCP Ajit Pawar : अजितदादांना मोठा धक्का? रूपाली ठोंबरे पाटील शिवसेनेत प्रवेश करणार? म्हणाल्या, शिंदे सेनेकडून ऑफर…

महाराष्ट्राच्या राजकारणात सध्या अनेक महत्त्वपूर्ण घडामोडी आणि नेत्यांची वक्तव्ये लक्ष वेधून घेत आहेत. राष्ट्रवादी काँग्रेसच्या नेत्या रुपाली पाटील या एकनाथ शिंदे यांच्या नेतृत्वाखालील शिवसेनेत प्रवेश करण्याच्या तयारीत असल्याची चर्चा जोर धरू लागली आहे. त्यांनी खासदार श्रीकांत शिंदे यांची भेट घेतल्याने या अटकळांना बळ मिळाले आहे. या भेटीदरम्यान काँग्रेसच्या संगीता तिवारीही उपस्थित होत्या.

रुपाली पाटील यांनी प्रसारमाध्यमांशी बोलताना सांगितले की, शिंदे सेनेकडून चांगल्या काम करणाऱ्या कार्यकर्तीला विचारणा झाल्यास मी नक्कीच विचार करेन. प्रवक्तेपद गेल्याने आपले काम थांबले नसून, कार्यकर्त्यांना कोणत्या पक्षात काम करायचे आणि कोणता नेता पाठिंबा देतो हे ठरवण्याचा पूर्ण अधिकार असल्याचे त्यांनी स्पष्ट केले.