Nitin Gadkari : … अन्यथा वर गेलात तसंच खाली याल, बाहेरच्या प्रवेशांवर घरचा आहेर; गडकरींच्या इशाऱ्याने पक्षांतर्गत वाद चव्हाट्यावर

केंद्रीय मंत्री नितीन गडकरी यांनी सार्वजनिक कार्यक्रमात भारतीय जनता पक्षाला (भाजप) महत्त्वपूर्ण सल्ला दिला आहे. पक्षप्रवेशांच्या मुद्द्यावर बोलताना गडकरींनी जुन्या कार्यकर्त्यांची उपेक्षा टाळण्याचा इशारा दिला. बावनकुळे यांच्यासमोर बोलताना त्यांनी “घर की मुर्गी दाल बराबर” या म्हणीचा संदर्भ देत, नवीन लोकांना महत्त्व देताना जुन्या निष्ठावंत कार्यकर्त्यांना विसरू नये, असे सूचित केले.

गडकरींनी स्पष्ट केले की, जर प्रामाणिक कार्यकर्त्यांची कदर केली नाही, तर पक्ष ज्या वेगाने वर जातो, त्याच वेगाने खाली येऊ शकतो. या विधानावर भाजपमधून संमिश्र प्रतिक्रिया उमटल्या आहेत. जे नेते मूळ भाजपचे आहेत, त्यांनी गडकरींच्या सूचनांचे समर्थन केले आहे, तर बाहेरून पक्षात येऊन मंत्री झालेल्या नेत्यांनी या मताशी असहमती दर्शवली आहे. यामुळे पक्षात जुने आणि नवे कार्यकर्ते यांच्यातील समस्येवर पुन्हा एकदा चर्चा सुरू झाली आहे.