Pimpri-Chinchwad Politics : बाप, अंडी-पिल्ली ते बिनदाढीवाला ‘गरूडा’… दादा, रोहित पवार अन् भाजप आमदारामध्ये जुंपली, पुण्याचं वातावरण तापलं

पिंपरी-चिंचवडमध्ये राजकीय वातावरण तापले असून, आमदार महेश लांडगे यांनी उपमुख्यमंत्री अजित पवार यांच्यावर जोरदार टीका केली आहे. अजित पवार यांनी गुंडगिरी मोडून काढू असे वक्तव्य केल्यानंतर, लांडगे यांनी “आम्ही काय बांगड्या भरल्यात का?” असा सवाल करत प्रत्युत्तर दिले. लांडगे यांनी इशारा दिला की, “आमच्या वाकड्यात गेल्यास आम्ही कुणालाही सोडणार नाही.” महेश लांडगे यांनी अजित पवार यांच्या भाजप प्रवेशावरही निशाणा साधला. “पंतप्रधान मोदींनी 70,000 कोटींच्या घोटाळ्याबाबत कारवाईचा इशारा दिल्यानंतर अजित पवार भाजपमध्ये गेले,” असे लांडगे यांनी म्हटले. तसेच, रोहित पवार यांनी केजीएफ चित्रपटातील गरुडा या पात्राचा उल्लेख करत, दाढीवाला आणि बिना दाढीवाला गरुडा म्हणून महेश लांडगे आणि शंकर जगताप यांच्यावर केलेल्या टीकेलाही लांडगे यांनी उत्तर दिले. पिंपरी-चिंचवडमधील कथित मक्तेदारी संपवण्याचा संकल्पही त्यांनी व्यक्त केला.